RUTAS LITERARIAS

O pasado venres día 28 de marzo, o alumnado de 1º ESO fomos ao Museo Provincial de  Lugo para realizar a actividades das Rutas Literarias polo Museo. Esta era a segunda parte dun traballo que ten a súa primeira na aula, coa lectura do libro de relatos Contos de medo no Museo, dentro da área de Lingua Galega e Literatura.

Este complemento á lectura do libro foi estupendo, pasámolo moi ben percorrendo as distintas salas en grupos, cada un dos cales seguimos a ruta dun relato.  Axudounos a coñecer un pouco máis o Museo por dentro.

Lévanos ao lado das historias que non vemos, deses relatos e anécdotas coas que nos quedamos e que nos deixan entre a realidade e a ficción dun mundo incerto por descubrir.